ایشیاکپ2023؛ بھارت کے پاکستان نہ آنے پر چیئرمین پی سی بی کا ردعمل سامنے آگیا

لاہور: بھارتی کرکٹ بورڈ (بی سی سی آئی) کی جانب سے ایشیاکپ 2023 میں پاکستان کا دورہ کرنے سے انکار پر چیئرمین پی سی بی رمیز راجہ نے سخت ردعمل دیا ہے۔

سماجی رابطے کی سائٹ ٹوئٹر پر چیئرمین پی سی بی رمیز راجہ کی ایک ویڈیو وائرل ہورہی ہے جس میں صحافی کے سوال پر انکا کہنا تھا کہ ایشیا کپ یو اے ای منتقل نہیں کیا جائے گا، آپ ہمت تو پکڑیں، اتنے منفی کیوں ہیں، بھارت سب کچھ نہیں ہم بھی بہت کچھ ہیں۔

دوسری جانب ایشیا کرکٹ کونسل اور بی سی سی آئی کے سیکریٹری جے شاہ کے بیان پر ترجمان پاکستان کرکٹ بورڈ نے کہا کہ انہوں نے بیان سوچے سمجھے بغیر دیا ہے، جس کے منفی اثرات مرتب ہوں گے۔

مزید پڑھیں: پی سی بی نے بھارتی رویے پر ایشین کرکٹ کونسل کو خط لکھ دیا

ترجمان پی سی بی نے کہا کہ جے شاہ کا پاکستان سے ایونٹ متنقلی کا بیان یکطرفہ ہے، ایونٹ کا منتقلی کا بیان انترنیشنل کرکٹ کونسل ( آئی سی سی) اور ایشین کرکٹ کونسل (اے سی سی) کو تقسیم کرنے کے مترادف ہے۔